السلام عليكم إخواني وأخواتي القائمين على هذا الملتقى المفيد بإذن الله تعالى:
أرجوا أن تكونوا في تمام الصحه والعافيه يارب:
قررت بعد الاستعانه بالله ان أشتري شقه تمليك بالمدينة المنورة أو بيت من دور واحد في المناطق الحيويه أو اللي فيها خدمات ،وما تكون بعيده عن الحرم ولا قريبه جدا من الحرم عشان السعر طبعا!!لأني ناويه أستثمرها؟ وما أقدر على اسعار المناطق اللي تكون حيل قريبه من الحرم المدني؟! ولا أبيها بعيده حيل ما تكون فيها خدمات وما أقدر أستفيد من أجارها؟؟ بحكم إنها منطقه جديده وبعيده عن الخدمات فالأجار يقل!! هذا اللي أعرفه واللي حاصل عندنا بالكويت وبكل ديره على ما أعتقد!؟
بس ماني عارفه هل عندكم بالمملكه نفس الشي ولا غير؟
بدأت جديا بدراسة الموضوع من كم شهر لأني أنا وعايلتي كل إجازة ناوين نروح مكه والمدينه بالرغم إن الأجارات مرتفعه حيل والسكن لكم عليه !! فلله الحمد والمنه ربي وفقني وحليت مشكلة السكن بمكه والحمدالله لحقنا على شي نظيف وثقه بإذن الله .
باقي المدينه المنورة؟؟ وبما إن أكثر شي نقعد بالمدينه فقلت ليش ما أشتري سكن وأستثمره وأستفيد من أجاره وأنا مع زوجي بعد التقاعد نقدر نقعد فيها مع عايلتي بدون ما نحاتي الأجارات؟
بحثت بالنت ولقيت فرق الأسعار من سنة 2008-2010 العقارارتفع إلى الضعف!!
فياليت من إخواني وأخواتي أصحاب الخبره والمعرفه الله يجزاكم خير تنصحوني وتفيدوني من خبرتكم متى؟؟ {أقصد بأي فتره} ووين ؟؟{بأي حي} أقدر أشتريلي عقار؟ يعني لي سنة 2011 هل العقار بيكون ثابت ولا بيتغير؟ وأنا عارفه إن بالممكله أو بالأخص مكه والمدينه ما يصير العقار يتسجل لغير السعوديين؟! وهذي لقيت حلها،عندي ناس سعودين مقيمين بالمملكه ثقه أقدر اسجل العقار باسمهم،
الحين الله يجزاكم خير الموضوع مو سهل بالنسبه لي ولا أقدر بيوم وليله أشتري عقار لازم أروح وأشوف بعيني العقار وأدور عالأنسب والأفضل لميزانيتي،يعني بياخذ وقت بس بغيتكم يا إخواني وأخواتي إنكم تدعموني بمعلوماتكم الغنيه وخبراتكم وما تبخلون علي، الله يجزاكم خير. بصراحه انا أهلي شروا أراضي بالطايف وبنوها وماشاء الله عليهم ،بس أنا لما قريت وعرفت فضائل المدينه المنورة وجربت السكن فيها بصراحه قلت مافي أحسن وأنظف وأحلى من هالأرض الطيبه وإني أكون بجوار الرسول عليه أفضل الصلاة السلام وأبنائي يتربون التربية اللي ترضي الله ورسوله فعلا كنت ناويه أشتري عقار بالكويت بس بعد علمي بالمدينه وفضائل اللي يعيش فيها أتمنى إن ربي يحقق منيتي ويسهل اموري واشتري عقار عالأقل شقه تمليك وربي بإذن الله بيبارك لي فيها، فأرجو إنكم ما تتأخرون علي بالرد،
وبانتظار ردودكم وآسفه جدا عالإطاله والإزعاج وشكرا.
بالمدينة المنورة؟!!" title="Smile" class="inlineimg" />
jlgd; fhgl]dkm hglk,vm?!! hglk,vm? hglk,vm?!! jlgd; fhgl]dkm
jlgd; fhgl]dkm hglk,vm?!! hglk,vm? hglk,vm?!! jlgd; fhgl]dkm jlgd; fhgl]dkm hglk,vm?!! hglk,vm? hglk,vm?!! jlgd; fhgl]dkm
07-18-2010, 01:45 AM 
تمليك بالمدينة المنورة؟!! 
المواضيع المتشابهه 
العرض العادي
